හොර හොරෙන් එබිකම් කරපු සඳ

හොර හොරෙන් එබිකම් කරපු සඳ
කාන්තිය විතරක්ම වැටිලා
පුරුදු තාලෙම අල්ලාන හිටි
දියඹ හටනක් කරනවා

පාළොස්වකම අවදියෙනි
තුටින් ඉපිළී කැළඹිලා
අවපසම නෝක්කඩුවෙනි
හඳ හා උරණ වීලා

අමාවකෙ ගිමන් හරී
අර පරණ තාලයටම වැටිලා
හඳ නගින යාමයට
ආයෙමත් එයි යකා වැහිලා

~පුරූ~
 

මලර් නොකී කව

 

 

ඉර සැර තමයි - ගොළුවත තමයි

ලියද්දම වැපිරුවේ මද්දහන මැද තමයි

කෙත පීදෙනා විටම බැස ගියේ ඉරයි
බැත පෑගුවේ අපි හඳ පානෙමයි

වී කරල දැකපු ඉර හඳ දෙකම හඳ තමයි
තුටු වැස්ස වස්සන්න හිටියෙ හඳ විතරමයි

බැස නොගොස් හිටියනම් තෙමෙන්නේ ඉර තමයි
ඒ වැස්ස නොලද වී කරල තාමත් බරයි

~පුරූ~