White Fang by Jack London : වෘකයන්ගේ අඩවිය හෙවත් වයිට් ෆෑන්ග් - ගංගා නිරෝෂණී සුදුවැලිකන්ද ගේ පරිවර්තනයක්

 

"පැරදුනයි කියලා කොයි වෙලාවෙත් කිය කිය ඉන්න මිනිහා ඉන්නෙ බාගෙට පැරදිලා"

"සිය ජීවිතය කෙරෙහි ඔහුට ඇති අයිතිය මෙතරම් අස්ථිර ව ඇති මේ මොහොතේ තරම්, අන් කිසිදු විටෙක, ඔහුට සිය සිරුර පිළිබඳ මේ තරම් ලැදියාවක් ඇති වී තිබුණේ නැත."

"එහි ආහාර හිඟයක් නොවිනි නම්, ආදරය කිරීම සහ සටන් ඇවිලීම් ශීඝ්‍රයෙන් සිදු වනු ඇත. රංචුවේ ස්වභාවය මීට වඩා වෙනස් වනු ඇත."

"සිය විශ්වාසයන් බිඳ වැටෙනු දැකීමෙන්, සිය පූජාසන දිරාපත් වනු දැකීමෙන් මිනිසා නිරන්තරයෙන් ම ශෝකයෙන් මිරිකෙනු ලබයි;"

"අලාභ හානි බොහොමයකින් පීඩා වින්ද ද, නිතර ම පරාජයට පත් වුව ද, ඔහු ගේ ආත්මය අපරාජිතව පැවතිණි. එහෙත් එයින් අයහපත් ප්‍රතිඵලයක් ඇති වී තිබිණි. ඔහු දුෂ්ට අදහස් ඇති, රළු පෙනුමැති අයෙකු බවට පත් විය."

"කෙනෙකු ගේ ස්වභාවය තුළ ඇති පෙළඹවීම්, එය විසින් ම පසුබසින ලැබුවේ නම් මිස, තවත් කෙනෙකුට කෙලෙසා දැමිය නොහැකි

"තමා ගේ වර්ගයා අතර බලය ප්‍රකාශ කිරීම තහනම් කරන ලද ඔහු, කුඩා සත්ත්වයන් ආධාර කරගනිමින්, තමා තුළ වූ ජීවිතය නිදොස් බව ඔප්පු කළේය

"ඔහුගේ ජීවිත පාසල බුරුලක් හෝ දයාවක් නැති එකක් වූ අතර ඔහු ද ඒ තරමට ම දැඩි බවින් යුතු අයෙකු විය."

ලජ්ජා - තස්ලිමා නස්‍රීන් (පරිවර්තනය සිරිල් චන්ද්‍රසේකර ගුණවර්ධන)

 

"මව්බිම නමැති අප මෑණියනි, ඔවුන්ට මෙන්ම අපටද ඔබේ තුරුලේ නිදහසේ ජීවත්වන්නට ඉඩ සලසා දෙන්න" යි කියන්නට තමන්ටත් අයිතියක් නැතිවන්නේ කෙසේද? "

"මනුශ්‍යත්වයේ හරය සුන් කිරීමට හොඳම ආයුධය තමයි ආගමේ කොඩිය එසවීම...!"

"... මේ හැම විස්තරයක්ම පුළුවන් එකා බැරි එකාව ඩැහැ ගැනීමයි. පෝසතා දුප්පතාව පෙළීමයි, මෙතන තියෙන්නෙ හින්දු මුස්ලිම් භේදයක් නොවෙයි. ධනවාදී සමාජයක පිළිවෙල ඕක තමයි"

"එක ආගමක නීති රීති, අනෙක් දර්ශනයන පරයා ඉගැන්වීම සාධාරණ නොවේ. ඊට වඩා ලෝකයේ සියලු මහා පුරුෂයන්ගේ දර්ශන සියල්ලම දරුවන්ට කියාදීම, එක් වර්ගයක් අභිභවා තවකෙක් නැඟීමෙන් ඇතිවන හීනමානය නැති කරවන්නකි."

"අස්ථිර පැවැත්මකට වඩා දුප්පත් ජීවිතයක් හොඳයි"

".. මම මිනිස්සුන්ට කැමතියි. හැම මිනිහෙක් තුළම ආදරය තියෙනවා. ගුප්ත ස්වභාවය තියෙනවා. මම කැමතියි ඒ අදෘශ්‍යමාන මානසිකත්වයන් හොයා බලන්නට"

"අපි තවමත් ආගමේ මුවාවෙන් තමයි ඔක්කෝම

පටන් ගන්න හදන්නේ. ඊට වැඩිය හොඳයි නේද රාජ්‍ය ප්‍රතිපත්ති, සමාජ සම්ප්‍රදායන, අධ්‍යාපන ප්‍රතිපත්ති ආදී හැම එකක්ම ආගමික ඡායාවන්ගෙන් ඉවත් කර ස්වභාවික මට්ටමක පවත්වාගෙන යන්නට සැලැස්වීම"

"අප පණපිටින් තබන්නේද බලාපොරොත්තු මිස අන් කිසිවක් නොවේ. ජීවිතයක් ජීවත් කිරීම තුළ ඇත්තේ ඉතා කුඩා අරුතකි. ඒ ජීවත් කරවීම සඳහා ආධාර වන බලාපොරොත්තු, දියවී යාමට ඉඩ දීමේ තේරුමක් නැත!"

අත ළඟ ඇති ඉටි පහනත්
දිස්නේ විදුලිය පහනත්
තේජස් දෙන හිරු කිරණත්
නොම දෙයි ඔබ වන් සිහිලක්
හිතම එළිය වන සිහිලක්

~පුරූ~

සේයාරුව - pinterest වෙබ් අඩවියෙන්

The Valkyries by Paulo Coelho

 

"I used to imagine the great masters as people who were far removed from the world"

"The rivers return to the mountains, but carry with them the wisdom of the sea"

" "We'll do it," she said. 

"Thanks for the 'we'," he answered with a smile. "

"Some things are so important that you have to learn about them on your own"

"Human beings may forget their origin, but nature, never."

"Don't fight your thoughts. They are stronger than you are. If you want to rid yourself of them, accept them. Think about what they want you to think about until they grow tired"

"Don't leave me in the middle of the road"

".. People are always more respectful of those who speaks of things no one understands"

".. I have no idea what awaits me, but I want to get back. I need love, affection. I need someone who can protect me here on earth..."

"I was always forgiven by my friends, but never learned how to forgive them in return"

 

සරසවි බිම තෙමී යන්න අඳුරු ලලා වහිනවා

කුඩේ යටින් යනෙනා විට අනේ තනිය දැනෙනවා 

හන්තානෙන් පායපු හඳ වළාවකට වැහෙනෙවා

ඔබෙ මතකෙන් පෑරුණ ගඟ ඉවුරු කඩා ගලනවා

~පුරූ~

 ඡායාරූපය : Lahiru Attanayake

අටවක පුත්තු - ලියනගේ අමරකීර්ති

 “කිරි අම්මෙකුටයි, අම්මෙකුටයි මැදිවෙලා හැදෙන එක ආණ්ඩු දෙකක් තියෙන රටක ජීවත් වෙනවෙ වගේ. ... එක ආණ්ඩුවක තියෙන කීති පද්ධතිය අනික් ආණ්ඩුවෙ නීති පද්ධතියට වඩා වෙනස්. ඒත් ඒ දෙකටම කීකරු වෙන එක රටවැසියගෙ වගකීම” 

“විද්‍යා කරන අයට කලාවත්, කලාව කරන ැයට විද්‍යාවත් තෙලුයි වතුරයි වගේ විය යුතු බව හිතමින් විද්‍යාව උගන්නන නයනා කොඩිතුවක්කු කිව්වා” 

“ ‘රූපක’ හෝ වේවා ‘වාච්‍ය’ හෝ වේවා අර්ථ කියන්නෙ අර්ථ, මොන අර්ථෙත් විශ්වාස කලොත් යථාර්ථයක් වෙනවා අඩු තරමෙ ඒවා විශ්වාස කරන අයට”

“ඕනෑවට වැඩිය හිනා උනොත් අඬන්න වෙනව කියන න්‍යාය චිරාත්කාලයක් තිස්සේ මිනිස් අත්දැකීම් වාක්කියක් බවට උකු වෙලා හැදුනු එකක් වෙන්න ඕනෙ." 

“ඒ වෙඩි වැනි සද්දෙ එන්නෙ තමන්ගෙම මනසෙ වැටට එහායින්ද මෙහායින්ද කියලා තේරුම් ගන්න බැරි උනා” 

“-කියපිය ඇමතිතුමා තෝ වගේ කොන්ඩෙ වවපු පරයෙක්ද නැද්ද?

- කෑ කොණ්ඩෙ වවලා නෑ” 

“එතකොට තමුන් මටත් කියන්නෙ ගල්කටස් තුවක්කු අරන් ශ්ඌට් කරගෙන ශ්ඌට් කරගෙන යන්න කියලද?” 

“ඔන්න පේනවනෙ යථාර්ථයෙ නියම ස්වභාවය මතුවෙන්නෙ ඒක කලාවට දාල බැලුවම” 

“අපි නෑ බෑ නොකියන්න පොඩි කාලෙ පුරුදු කරවන සංස්කෘතික ගොදුරු”

“දෙමව්පියන්, නෑදෑයන් අපට ඉබේ ලැබුනත්, අප මිතුරන් තෝරා බේරා සොයා ගන්නේ ඇයි දැයි තේරුම්ගත් දමයන්ත, තම දෑතේ ඇති උපරිම ශක්තියෙන් අත්පොලසන් දුන්නා" 

"ඉස්සර සෙල්ලම් කරපු පින්තූර ප්‍රෙහේලිකාවක් එක්ක ආයෙත් සෙල්ලම් කරද්දි නැති උන කෑලි හොයන පොඩි කොල්ලෙක් වගේ නන්ද ඒ දෙන්නගෙන් ප්‍රශ්න ඇහුවා."

"අපිට කවුරුත් මග පෙන්නන්නෙ නැත්තං අපි ඒක හොයාගන්න ඕන. අපිට කවුරුත් උගන්නන්නෙ නැත්තං එකට දෙකක් මහන්සි වෙලා ඉගෙන ගන්න ඕන" 

"මිනිස්සු මැරුණට යාළුකම ඉතුරු වෙනවා" 

"අනික, කෙනෙක් කවුද යන්න දැන ගැනීම යනු නමක් දැන ගැනීමම නොවෙයි නේද?" 

~𝐃𝐢𝐥 𝐁𝐞𝐜𝐡𝐚𝐫𝐚 𝟐𝟎𝟐𝟎 𝐛𝐲 𝐌𝐮𝐤𝐞𝐬𝐡 𝐂𝐡𝐡𝐚𝐛𝐫𝐚~

 "එයාලා ඔක්කොම මට ආගන්තුකයෝ. මම එයාලටත්. ඒත් මම දන්නෙ නැහැ ඇත්තටම මම එයාලව බදා ගත්තම එයාලගෙ තනිකම අයින් කරන්න පුළුවන් කියලා මට හිතෙනවා. නැත්නම් ඒක මගේද?"

"ඔයා ආදරය කරන කෙනෙක් මැරුණට පස්සෙ, ජීවත් වෙනවද නැද්ද කියන එකෙ තියෙන්නෙ ඔයාගෙ අතේ."

"අපි ඉපදෙන්නෙ කවදද මැරෙන්නෙ කවදද කියලා අපි තීරණය කරන්නෙ නැහැ. ඒත් අපිට අපේ ජීවිත ගත කරන්නෙ කොහොමද කියලා තීරණය කරන්න වෙනවා"

(උපසිරැසි - චරිත් ප්‍රමෝද්‍ය, ටිලාන් මදුමාල් සහ සසිරි ජයකොඩි)

-අසන්ධිමිත්තා - සමන් වික්‍රමාරච්චි-

 

"..ඔයා මේ තරම් ගිවිසුම්... සහතිකගැන උනන්දු ඇයි? සහතික කියන දේවල් අපේ ජීවිත්වලට එච්චර අදාළ නෑ"

"මම මගෙ වම්පස හිස්කම දරාගන්න බැරිව ආයෙමත් කවුළුවෙන් එපිට ලෝකය දෙස බැලුවා."

"බලාගෙන ගියාම කෙනෙකුගෙ ශරීරය කියන්නෙ හිර කූඩුවක් තමයි. අපිට ජීවිතාන්තය තෙක්ම ඒ කූඩුවෙ හිර වී සිටින්නට නියමිත වෙලා තියෙනවා."

"පුරන් වෙච්ච වෙල් යායක් පොල්‍ රුප්පාවක් හම්බ වෙනකම් ඈතට දුවනවා"

"... ඔහු කීවෙ අපි මුවින් පිට කරන වචන සහ ඇත්තටම අපට කීමට අවැසි දේ අතර වෙනසක් ඇති බවයි."

"උන් හැමෝම මගේ සරුවාංගෙට ඉරිසියා කළා. ඇනුම්පද කිව්වා. මාව කොන් කළා. අවට ලෝකයට වෛර කරන්න ඉස්සරෝම ඉගැන්නුවෙ අක්කලා."

“ඇග‍ පුරාම හොරි හැදිච්ච හිගන්නාක් පාරෙ වැටිලා හිටියට කවුරුත් බලන්නෙ නැහැ. හැබැයි ඒ මිනිහා මහ පාරෙ මැරුණොත් කවුරුත් වට වෙනව මිනිය බලන්න. පොලිසිය නඩුකාරය හැමෝම එනවා. මැරුණෙ කොහොමද හොයන්න කපලත් බලනවා”

“... ඒ වාක්‍ය කිහිපය එතන තිබුණ පරිසරය වෙනස් කලා. කොටින්ම ගස්වල මල් පිපුණා. හීන් හීතල මද පවනක් හමාගෙන ගියා. වැහ්ලා තිබුණ ගෙයි දොරවල් ජනෙල් එක පාරටම සට පට ගාලා ඇරෙන්නයි වැහෙන්නයි පටන් ගත්තා.”

𝘼𝙧𝙩𝙞𝙘𝙡𝙚 15 (2019) 𝙗𝙮 𝘼𝙣𝙪𝙗𝙝𝙖𝙫 𝙎𝙞𝙣𝙝𝙖

 

"වීරයෙක් ඕන නෑ අයාන්, මට ඕන වීරයෙක් එනකම් උඩ බලං නොයින්න පිරිසක්"

"- හැම දේම සම සමව තියේනම් රජෙක් මොකට කවුරු වෙන්නද?

-ඒත් රජෙක් හදන්නේ මොකටද?"

"...... අපි හිංසාව කියන පාරේ යන්න ගත්තු දවසේ ඉඳන් ඒ අයට අපිව මරණ එක ඔක්කොටම වඩා ලෙසි වෙනවා."

"කෙනෙක් තමන්ගේ හඬ අවදි කරන්න හදනවනම් ඒ කෙනාව දේශයේ ආරක්ෂාවට තර්ජකයෙක් වෙනවා. ඒ නිසා මරලා දානවා."

"ගින්නක් ගන්නකොට උදාසීනව ඉන්නවා කියන්නේ සර් එක පත්තු කරපු අයගෙම පැත්‍තෙ හිටගෙන ඉන්නවා කියන එකනේ."

"ජීවිතේදි ලැබෙන්නයි නැතිවෙන්නයි සම්බාවිතාව 50 ට 50 තියෙන්නේ සර්, මට හිතෙනවා ලැබෙන 50 ප්‍රතිශතේ ගොඩක් ලොකුයි කියලා."

උපසිරැසි : බයිස්කෝප් සිංහලෙන් වෙබ් අඩවිය වෙනුවෙන් තාරක නුවන් දිල්හාර

ඉරේ ගිනියම වැදී දැවී ගිය හදවතක්

වදනකින් සනහන්න හැකි එකම සඳවතක්

නුඹට ගිම් නොදැනේද

දැනිත් නොකියා නේද

මගේ ගිනි නිවලාම 

නැද්ද හති වැටිලාම

අල්පෙනිති තුඩකවත්

හිදැස් නොතියන නමුත්

තුතියි නොකියම ඉන්න

ඇතිවාද මට ඉඩක්.....

~පුරූ~

ඡායාරූපය - Pinterest වෙබ් අඩවියෙන්

මාගම් සෝලිය - මොහාන් රාජ් මඩවල

"ධර්මය ඉගෙන ගන්නවා කියන්නේ ලෝකය ඉගෙන ගන්න එක... ජීවත් වෙන්න තේරුම් ගන්න එක..."

"එහෙත් එහි ඛේදනීය බව කෙතරම්ද යත් සුරඹා කමව කවදාවත් සිය පුතා නොදුටු අතර ඔහුගේ පුතා ද කවම කවදාවත් සිය අප්පුච්චා දැක තිබුණේ නැත. උනුනුන් නොදුටු මේ දෙදෙනා සංසාර කාලයක් උනුනුන් හොඳට දන්නා විදිහට එකට හිඳ එකට මියගොස් එකට මිහිදන් වී තිබුණේය"

"දෙදෙනාම දෙදෙනා ගැනම ආදරයෙන් වෙළී සිටි අතර එගි දිග පළල අනෙකාගේ හිත් තුළ හඳුනාගන්න දෙදෙනාම උත්සාහ කරමින් සිටියහ. ඒ ආදරය හැර සියල්ල හිස් බවත්, එයම ජීවිතය ජීවත් කරන බවත් එය හඳුනාගානීමම වචනයෙන් විස්තර කළ නොහැකි සමාධි සුවයක් බවත් දෙදෙනා තේරුම් ගනිමින් සිටියහ."

"... මෙවර ඈ මියගිය විට ඔහු කෙතරම් ඒ ගැන සැක කළාද කීවොත් ඔහු ඒ හුස්ම ගිය මිනිය දෙපැත්තෙන් දෙදෙනෙකු ලවා කර තියා නැගිට්ටවාගෙන පැය කීපයක් මිදුලේ ඇවිදින්න සැලැස්සුවේය."

"සති දෙකකට වරක් තඹ සල්ලි මුට්ටිය බැගිනුත් මාස දෙකකට වරක් රිදී කාසි මුට්ටිය බැගිනුත් ලෙස පොඩිනා තඹ සල්ලි සහ රිදී කාසි කෙතරම් මුට්ටි ගාණක් කැලේ වළ දැම්මාද කීවොත් අන්තිමට ඈ එසේ වළ දමන තැන් මතක තියාගන්න එකත්, ඒවා ගණන් තියාගන්න එකත් අත් හැරියාය."

"අනෙක් අතට තම තමුන්ගේ පෞද්ගලික උවමනා එපාකම් වලට සාස්තර පේන අහන එකත්, පෞද්ගලික එදිරිවාදිකම්වලට හදි හූනියම් කරන එකත් යට ගොස් ඉංග්‍රීසීන්ගේ මේ හිංසාකාරී පාලනයෙන් මිදීමේ පොදු අරමුණකට සියල්ලන්ගේම අවධනය යොමු කර තිබූ නිසා මිනිස්සුන්ට ඒ ගැන හිතන්න වෙලාවක් තිබුනේ නැත."

"...මිනිසුන් තුළ සහජයෙන්ම පවතින ජීවත් වීමේ ආශාව සිය ඇස් දෙකෙන් අත් විඳ තිබුණාය. බෝවෙන ලෙඩේ හැදී මරණය අබියස දඟලන ඔවුන් කෙතරම් ජීවිතයට ආදරය කරනවාද කියා ඈ ඔවුන්ගේ මලානික ඇස් වලින් හඳුනා ගත්තාය. කිසි විටෙක තම ධෛර්‍යය අත නොහළ ඈ සැබැවින්ම මිනිසුන්ට මරණය පරාජය කළ හැකි බව තරයේ විශ්වාස කළාය. එසේම ඒ විශ්වාසය රෝගයෙන් ඔත්පළ මිනිසුන්ගේ හිතට ආත්ම ජීවයක් රෝපණය කළාය."

සායනික සටහන් නොවේ - වෛද්‍ය බෝධිනී සමරතුංග

ඈත දුරක සිටින නාඳුනනන්ගේ සිට මෑත සිටින අඳුනන්නන්ගේ අනාදරය නිසා කඳුළු බොන මිනිසුන්ගේ කඳුළු පිස දැමීමට ආදරය පමණක්ම ප්‍රමාණවත් ය.

~පුරූ~

…………………………………………………………………

"ප්‍රශ්නය අපට සිදු නිවුණු නිසා අපිට දැනෙන ප්‍රමාණය වෙනස්ද?"

"මිනිසුන්ට ජීවත් වීම ගැන කියා දෙන්නත්, ජීවිතයේ අගය ගැන "ලොරි ටෝක්" දෙන්නත් හැකි වුණාට, ඔවුන්ගේ ප්‍රශ්න හෝ දුක් කන්ද විසඳන්න ක්‍රමයක් අප දන්නේ නැති නිසා අපව කම්පනයට පත් කරනවා"

"සියල්ල ඉවසාගෙන කරනවා ඇරෙන්න විසඳිමක් නොදෙන සමාජයක අවසන ඔවුන් පුපුරා යෑමට ඉඩ ඇත"

""ඔබ බෞද්ධ නිසාද ඉවසන්නේ?" කියා එක් තරුණියක කතා අතරෙන් අහනවා. "ඉවසීමට ආගමක් නැතැයි" මා ඇයට කියා දුන්නා"

"War happens when language fails"

"බෙදී මියයන එකට වඩා එක්ව ගොඩ නැගෙන එක හොඳ බව මා උගත් දහමයි" 

"දරුවා පරීක්ෂා කරද්දී එයා මගේ ග්ලවුස් දැමූ අත අල්ලා ගත්තා හරි හයියෙන්"

"මම ලොකු වෙද්දි, මට දැනෙද්දි මේ ජීවිතේ හැටි මේ ලෙඩෙන් ගැලවිල්ලක් නැති හැටි... සාමාන්‍ය ජීවිතයක් නැති හැටි මට කලකිරුණා. මම දිවි නහ ගන්නත් හිතුවා"

"මම ඒකෙන් තේරුම් ගත්තා, යම් කිසිදෙයක් ගැන අපි හිතන්නේ නැත්නම්, අපට තේරෙන්නෙ නැත්නම්, අපිට දැනෙන්නේ නැත්නම්, අපි ඒ ගැන වද වෙන්නේ නෑ නේද කියලා."

"අපි අද ජීවත් වෙන සමාජය කිසිම විටෙක අනෙකා කෙරෙහි සංවේදී නොවන තැනක් බවට පත් වෙලා, අනෙකාගේ දුක කරදරය වෙනුවෙන් සහකම්පනය නොවන අය බවට පත් වෙලා. අනුන්ගේ හිත් රිදවන, දුකට පත් කරන සමාජයක තමයි අපිට ජීවත් වෙන්න වෙලා තියෙන්නේ."

"ඕනෑ තරම් ස්ත්‍රීහු බඩේ කැක්කුමට බෙහෙත් ගන්නට බාහිර රෝගී අංශය වෙත පැමිණ, එසැණින් හදිසි ප්‍රතිකාර ඒකකයේ හෝ, අප වාට්ටුවට ගෙන එද්දී ට්‍රොලිය මත හෝ, ත්‍රීවීල්වල දරුවන් ප්‍රසූත කරති"

"හිතක සිතුවිලි තමන් කෙරෙහි නතු කරගෙන ජීවත් වීම සඳහා අප්‍රමාණ වූ වෙහෙසක් දරා බැරි තැන අතැර යන්නෝද බොහෝ ය." 

 "කමක් නෑ ඩොක්ටර්, මට මෙහෙම වුණේ, ගිය ආත්මෙ මාත් දරුවො දාලා යන්න ඇති... මම දැන් මගේ පව් ගෙවලා ඉවර කරනවා. එතකොට මට එන ආත්මෙ හොඳ තාත්තෙක් ලැබෙනවා"

"ඒත් අම්මලා තාත්තලා එහෙම මැරෙන දරුවන්ට නමක් තියලා, නම රෙජිස්ටර් කරලා, පෙට්ටියක දාලා මිහිදන් කළ යුතු වුණා." 

"නීති තිබිය යුත්තේ මනුෂ්‍ය ජීවිත වඩා සාරවත් සැපවත් කිරීමටය"

"දරුවන්ගේ සිත් මල් වගේ. ඒ මල් කැකුළු කඩා පොඩිකර දමන්නේත් ඔවුන්ගේ සිත්වලට කැළිකසල එකතු කරන්නේත් වැඩිහිටියන්. තමන්ගේ දරුවාට වඩා හොඳින් වැඩකරන දරුවන් කෙරෙහි ද්වේෂයෙන් පසුවම ඔවුන් තමන්ගේ දරුවා හදාගන්නට, උනන්දු කරන්නට වෙහෙස නොවී අනෙක් දරුවාගේ ඉගෙනුම කඩාකප්පල් කරන්න වෙහෙසෙනවා. මේ තරඟය ඉවර වෙන්නේ කවදාද?"

"මේ රට හැදෙන්නෙ නෑ හදන්න බෑ කියමින් පිට රටවලට පලා යනවාට වඩා අපේ පරම්පරාවේ සිට හෝ මේ රට අපෙයි අපේ රට අපි ගොඩ නැගිය යුතුමයි කියා අප සිතිය යුතුය."

"හැමදේම නිර්මාණය වෙන්නේ හිතේ. තමන්ට ගෝචර නොවන සැණින් දරුණු හැසිරීමක් දක්වන, අනෙකා පීඩාවට පත්කරනසුලු සිතිවිලි තුළින් ඇතිවෙන්නේ ගැටීම් පමණයි. යුද්ධයත් එහෙමමයි"

""පහසු මඟ දෙවි කෙනකු වීම නිව දෙවි කෙනකුයැයි සිතා ගැන්මය. සිතා එලෙසින් දිවි ගෙවීමය" යනුවෙන් මහගම සේකටයන්ගේ ප්‍රබුද්ධ පොතේ කවියක සඳහන් වේ." 

"එකිනෙකාට විවෘත වූ සමාජයක් සැදුණේ නම් අද වන විට අසල්වැසියා කෙරෙහි සැකයෙන් කෝපයෙන් බලන්නග තරම් මේ සා විනාශයක් සිදුවෙයිද?"

"ජීවිතේ අපිට එක එක කාලෙට එක එක විදිහේ තෝරාගැනීම් කරන්න සිද්ධ වෙනවා. එතකොට ඒ තෝරාගැනීම් එක්ක අපිට කොහොම හරි ඉන්න වෙනවා. ජීවිතේ කියන්නෙ අපේම තෝරාගැනීම් අනෝජා, ඒ නිසා ඒවායෙන් ලැබෙන දේත් අපේ තෝරාගැනීම්ම තමයි" 

අපරාධය සහ දඬුවම : අනුවාදය - දැදිගම වී. රුදිගු (Crime and Punishment by Fyodoor Dostoevsky)

"පෝරකයට ගෙන යනු ලබන මිනිසා, මාර්ගයේ තමාට හම්බ වන විවිධ වස්තු අරබයා සිට්ගමින් ඒවාට ඇලෙතියි කීම සත්‍යයක් විය යුතුයි" 

"දුප්පත්කම දුර්ගුණයක් නොවේ. මොනවා උනත්! වෙඩි බෙහෙත්වලට අමනාපය වාවා ගන්නට බැරි බව ප්‍රසිද්ධ කරුණක්" 

"පෙර තේමාවන් සහ ජවනිකා ගැන පෙර මෙන්ම සිතීමට හැකි යැයි යන අනුමාන සහ සැබෑ සිතිවිලි හේ සිතින් මවා ගත්තේය    එය ඔහුට යම්තමින් හෝ සිනාසීමට අවස්ථාවක් නොදුන අතර වේදනාවෙන් පපුව තෙරපාලීය." 

"දැන් ඉතින් මා කුමක් කළ යුතුද? හරියට ඕනෑවට වගේම, මට අමතක වුණා. මේ දැන් මතක තිබුණා. ආයෙමත් අමතක වුණා." 

"බොරු කියන විට මම කැමතියි. අනිකුත් ජීව ප්‍රාණීන් ඉදිරියේ මිනිසා සතු එකම වරප්‍රසාදය බොරු කීමය. බොරුව ඔස්සේ ගියාම සත්‍යයට ළං වීමට පුළුවනි! මම මිනිහෙකු නිසයි මම බොරු කියන්නේ. බොරු දාහතරක් නැත්නම් එකසිය දාහතරක් ඔස්සේ ගියාම තමයි, සත්‍යයට ළං විය හැක්කේ. එවිට එය එක්තරා විදියක ගෞරවයක්. අපිට අප සතු නුවණ මෙහෙයවා බොරු කීවට කමක් නැහැ. නමුත් එය ස්වයං ආකාරයට කළ යුතුයි. ස්වයං ආකාරයකට බොරු කීම අනුන්ගෙන් කොපි කර ගත් ඇත්ත කියනවාට වඩා හොදයි. පළමුවන අවස්ථාවේදී නුඹ මිනිහෙක්, දෙවන අවස්ථාවේදී නුඹ නිකම් ගිරවෙක් විතරයි!" 

"යතුරු දමා වැසීමට තරම් දෙයක් නැති උදවිය වාසනාවත් අය නොවේද?" 

"හෘදය සාක්ෂිය ඇති මිනිහා ඔහු කළ වැරදිවලට වන්දි ගෙවිය යුතුයි. ඔහු වරද පිළිගන්නවා නම්, එය තමයි ඔහුට ලැබෙන දඬුවම, සිර දඬුවම හැර"

"ඈ සාධාරණත්වය හියනවා..ඈ පවිත්‍රයි! හැම දෙයකම සාධාරණත්වයක් තිබිය යුතු යැයි ඈ විශ්වාස කරනවා. ඒ වගේම ඉල්ලා හිටිනවා. ඇයට වධ දුන්නත් ඇය අසාධාරණ ලෙස ක්‍රියා කරන්නේ නැහැ. මිනිසුන්ගෙන් සාධාරණත්වයක් බලාපොරොත්තු නොවිය හැකි බව ඈ දන්නේ නැහැ. ඒ නිසා ඈ කුපිත වීමට හසු වෙනවා." 

"ඔහු වහා හිස ඔසවා ඇය දෙස බැලීය.එහෙත් ඔහු දුටුවේ ඇගේ කලබලකාරී සහ වේදනාව දක්වා වූ සැලකිල්ල සහිත බැල්මය. එම බැල්මෙහි ආදරය තිබිණි. ඔහුගේ වෛරය අතුරුදහන් වූයේ හිරු දුටු කදෝපැණියන් සේය." 

"ඇගේ එම නෂ්ටාපේක්ෂ බැල්මෙන් ඇයට අවශ්‍ය වූයේ තමාට කිසියම් අවසාන බලාපොරොත්තුවක් එහි තිබේද යන්න සොයා දැන ගැනීමටය. එහෙත් කිසිදු බලාපොරොත්තුවක් එහි නොවීය. කිසිදු සැකයක්ද නොතිබිණි." 

"මා මෙතරම් නොවටිනා මිනිහෙකු වෙද්දී ඔවුන් මට මෙතරම් ආදරය කරන්නේ මොකටද?" 

"පාලන බලය ජන්ම උරුමයෙන් නොලැබුණු, එහෙත් එය බලෙන් උදුරා ගත් මිනිස් සංහතියේ බොහෝ සුබසාධකයින්ගේ ප්‍රථම පියවර සාර්ථක වූ නිසා ඔවුහු නිවැරදි වූහ. මගේ ප්‍රයත්නය අසාර්ථක වීම නිසා එවැනි දෙයක් කිරීමට මට අයිතියක් නැතැයි යන්න ඉන් තේරුම් යයි" 

"ඇය හැමදාම තම අත ඔහු වෙත දිගු කලේ බයාදු ලෙසිනි. සමහරදාට ඇය කොහෙත්ම එසේ නොකලේ ඔහු ප්‍රතික්ෂේප කරතියි යන බියෙනි" 

"නව ජීවිතය ඔහුට ලැබෙන්නෙ හුදු තිළිණයක් හැටියට නොවන බවද, එය මහඟු දෙයක් සේ මිලදී ගත යුතු බවද, එයට ශ්‍රේෂ්ඨ සහ වීර ආධ්‍යාත්මික වික්‍රමයකින් ගෙවිය යුතු බවද යන්න ගැන පවා හේ නොදත්තේය.." 

The monk who sold his ferari by Robin Sharma ඒ අපූරු මග , පරිවර්තනය උපාලි රත්නායක

"එක ඇසක්, ලැබෙන ප්‍රතිලාභය දෙස අවධානය යෙදවීමට භාවිත කළාම, ඔබගේ අරමුණ දිහා බලන්නට ඉතිරි වන්නේ තවත් එක ඇසක් පමණයි" 

"ගහේ අත්ත දිගේ යන්න යන්න, බිමට වැටෙන්න තියෙන ඉඩකඩත් වැඩියි. නමුත් හැම ගෙඩියක්ම හැදෙන්නේ අතුවල විතරයි" 

"සාකච්ඡාව ඉදිරියට මෙහෙයවනු ලබන්නේ ප්‍රශ්න විමසන්නා විසිනි" 

"මනුශ්‍ය ස්වභාවයේ බලවත්ම මූලධර්මය වන්නේ අගය කරනු ලැබීමට ඇති ආශාවය. ඔබ කවුරුන් වුවද,ඔබ තරුණ පාසල් ශිෂ්‍යාවක හෝ ළදැඩි කම්කරුවකු වේවා. මේ පෘථිවිය මත සිටින සෑම පුද්ගලයෙකුගේම දැවෙන ආශාවක් වන්නේ හොඳින් සලකනු ලැබීමට ඇති දැඩි කැමැත්තය" 

""බියට පත් වූ ආත්මයක් ඇත්නම් කළ හැකි දේ ඉතා කුඩාය" ෆ්ලෝරන්ස් නයිටිංගේල්" 

"හැම දවසක්ම විශේෂයි. ඒවා කුඩා ආශිර්වාදවලින් සමන්විතයි." 

"ඔව් මම එර් කාලේ ඇති තරම් සල්ලි හෙව්වා තමා. ඕනෑම කෙනෙක් හීන මවන බොහෝ දේවල් මට හිමිවුණා. ඒත් මට සතුටක් තිබුණේ නෑ  මට හිස්බවක් දැනුණා. ඉතින්, දැන් නම් මට තියෙන්නේ මගේමය කියලා බොහොම පොඩි දේවල් ටිකක් විතරයි. නමුත් දවසක් පාසා මතුවෙන විශේෂ දේවල්වලින් මම දැන් සතුටු වෙනවා" 

"වැලි දෝතක් වගේ කාලය අපේ ඇඟිලි අතරින් රිංගා ගලා යනවා. ඒක ආපසු කවදාවත් එන්නෙ නෑ. ඒ නිසා ජීවිතය තුළින් ගමන් කරන අතර, ඒක වැළඳගෙන, රස විඳින්නට එඩිතර වෙන්න" 

"පැහැදිලි අරමුණක් තිබීම තරම් හොඳට මානසික උත්තේජනයක්, අවධානය යොමු කිරීමක් සිදුවන වෙන කිසිවක් නෑ. තමන් යන්නේ කොහාටද, තමන්ගෙන් අපේක්ෂා කරන්නේ මොනවාද යන කරුණු මිනිසුන් දැනගත් විට ඔවුන් තම වගකීම් සම්පූර්ණ කිරීමට කටයුතු කරාවි" 

"ඔබට කෝපය එක මොහොතකට දරා ගත හැකි නම්, දවස් සියයක කනස්සල්ලක් වළක්වා ගත හැක" 

"හදවත මෙන්ම මනස ද ගමන් කරන්නේ ඒවාඅගය කරන ස්ථාන වෙතටය" 

"රළු බව පරාජය කළ හැක්කේ මෘදු බව මඟිනි"

"සියළු ක්‍රියාකාරකම් ඇරඹෙන්නේ විවේකය තුළිනි; මෙය පරම සත්‍යයකි" 

"ස්වයං පුනර්ජීවනයක් කිරීම සඳහා කාලය වෙන් කිරීමට නොහැකි වීම යනු ඔබ බොහෝ කාර බහුල බැවිල ඔබේ වාහනයට ඉන්ධන පුරවාගැනීම සඳහා එය නැවැත්වීමටවත් කාලයක් නැතැයි කීමක් වැනිය." 

"වෙනත් කිසිවකු නොකියවූ දෙයක් හැම දිනකම කියවන්න. වෙනත් කිසිවකු නොසිතන දෙයක් හැම දිනකම සිතන්න. ඒකමතිකව සිටින්නන්ගේ කොටසක් බවට පත්වීම, නිතරම මනසට අහිතකරය" ක්‍රිස්ටෝපර් මෝර්ලි

"එදා කුඩා විය ගෙවූ 'මම' නමැති ළමයා, අද සිටින වැඩිහිටි 'මම' ගැන සිතනු ඇත්තේ කුමක්ද?"

ශ්‍රේෂ්ඨත්වය නම් ඔබ සමඟ අවසන් නොවන යමක් ආරම්භ කර නික්ම යාමය" 

අදිසි නදිය - කපිල කුමාර කාලිංග

"සෑම ගසක්ම කවියෙකි, සෑම මිනිසෙක්ම පොතකි,

එය කියවීම හෝ නොකියවීම ඔබගේ වැඩකි."

-"විද්‍යාඥයෙක්. ඔහු කලක් නාසා ආයතනයේ වැඩ කෙරුවා. ඒත් ඇමරිකානුවෙක් නෙමෙයි"
-"අපි ගිය අවුරුද්දේ විවෘත කෙරුවා ඇස් කන් නාසා පර්යේෂණ ආයතනයක්. ලෝකෙ නොයෙක් රටවල විද්‍යාඥයෝ ඒ විවෘත කිරීමේ උත්සවයට සහභාගි වුණා"

................................................................................................................................

අපි ඡීවත් රට/ලෝකෙ/system එක, දකින දේ, ඇත්තයි කියලා විශ්වාස කරන දේ, ඇත්තටම ඇත්තක්ද. අපි මේ කරන හැම දෙයක්ම කරන්නෙ අපිට ඇත්තටම ඕනවටද. නැත්තං අපි දැනුවත්ව හෝ නොදැනුවත්ව වෙන කාගෙ හරි උවමනාවකට ද. අපි මේ ඉන්නෙ, බල ලෝභයේ අන්ධභාවය විසින් කාලයක් තිස්සේ නිර්මාණය කරපු fantasyක් ඇතුලෙ වෙන්න බැරිද. ගැලවෙන මග දැක දැකම නිද්‍රාශීලීව ඉන්නවා නෙමෙයිද.

කොටින්ම, මේක ගිලෙන බව දැන දැනත්, නොදන්නවා වගේ තවමත් සාද පවත්වමින් ඉන්න ටයිටැනික් නැවක් වෙන්නම බැරිද.

~පුරූ~

අම්මා සහ මිහිකත - දැදිගම වී. රුද්‍රිගු පරිවර්තනයක් (Mother Earth By Chingiz Aitmatov and James Riordan)

"ඉඩම් සහ ජලය සමාන ලෙස බෙදා දෙනවා නභ්, අපට අපේම කුඹුරක් ලැබෙයි නම්, සී සෑමට, තිරිඟු වැපිරීමට සහ අපේ තිරිඟු සුද්ද කර ගැනීමට අපට ඉඩ කඩ ලැබේ නම්, අන්න එය තමයි අපේ වාසනාව තල්ගනායි, එයට වඩා වැඩ වාසනාවක් කෙනෙකුට අවශ්‍ය නැහැ. ගොවියාගේ වාසනාව රඳා පවතින්නේ ඔහු වපුරන සහ කපා ගන්නා ප්‍රමාණය අනුවයි"

"යහගුණය මහ පාරේ තියෙන දෙයක් නොවෙයි. එය අහම්බෙන් අහුලා ගන්නට බැහැ. යහගුණය එක් මිනිහකු අනිකාගෙන් ඉගෙන ගන්නවා"

"හැම දෙයක්ම යුද්ධයට අයත් විය. අපේ ජීවිත, අපේ ශ්‍රමය, අපේ අභිප්‍රාය පමණක් නොව,පොඩිත්තන්ගේ කැඳ කෝප්පය පවා යුද්ධයට අයත් විය. නොසිඳෙන කුසගින්නන් පෙළෙන මහා රකුසකු බඳු යුද්ධයට ඉතාම කුඩා දෙ පවා බිලි දීමට සිදු විය. එහෙත් තඹයකදු යුද්ධයට දීමට අකමැති මිනිස්සු සිටියහ. එවැන්නන් හිටි බව සැඟවීමට අවශ්‍ය නැත. ඒ විතරක්ද ඔවුහු අපේ ආහාර කොටසෙන් පවා පංගුවක් උදුරා ගත්හ."


"කොතරම් පුදුමයක්ද, මිනිහකුට ජීවත් වීම සඳහා අවශ්‍ය වන්නේ කොතරම් සුළු ප්‍රමාණයක්ද! සමහර විට මළවුන්ගෙන් යළි පණ ලැබීමට ඔහුට අවශ්‍ය වන්නේ දයාව පිරි එක් වචනයක් පමණකි"

ගිරිපුර ඇත්තෝ - සිංහලට හඬ කැවීම - සිරස TV - (The Flintstones produced by Hanna- Barbera Productions)

ගල්පාත :- අර බෝතලෙන් ගහපු පාරට බොරළුගෙ ඔලුව අවුල් වෙලාද කොහෙද

ඩොටී :- ඇයි ඔයා එහෙම කියන්නේ. බොරළු දැන් මට කියලා ගියේ මාව දැක්කමත් බඩ පිරෙනවා කියලා. ඉතින් ඒක බොරුද?

ගල්පාත :- විකාරනෙ. සාමාන්‍ය මිනිස්සු එහෙම කතා කියන්නෑනෙ.

ඩොටී :- මට සාමාන්‍ය මිනිස්සුන්ගෙන් වැඩක් නෑ. ඔයා කොහොමද හිතන්නේ කියලයි දැනගන්න ඕනෙ.

ගල්පාත :- අනේ ඩොටී කටවහගන්නකො.

ඩොටී :- නෑ නෑ කියනවා. මාව දැක්කම මොනවද හිතෙන්නෙ? ඉතින් කියනවා... 🙍‍♀️

ගල්පාත :- හරි හරි මට ඔයා දැක්කම බඩ පිරෙනවා.... 😬😬😬

The theory of everything 2014 by James Marsh

"I don't look like a terribly strong person. But I love him. And he loves me. We are going to fight this illness together"

"There should be no boundary to human endeavour. We are all different. However bad life may seem, there is always something you can do and succeed at. While there is life, there is hope."

ඔබ නැතිව ඔබ එක්ක - You without you (ප්‍රසන්න විතානගේ සිනමා නිර්මාණයක්)

"ඔයාව දැකපු මුල්ම දවසේ ඉඳල මම ඔයාට ආදරය කළා. මම ඉස්සෙල්ලම දැක්කෙ මේ ඇඟිලි... ඊට පස්සෙ මේ ඇස්..."


"ඇයි ඔයා මට මෙහෙම කළේ... ඔයා කැමති ඕනැම කෙනෙක් එක්ක ඔයාට යාළු වෙන්න තිබුණ... ඔයා එක සැරයක් හැරිල මා දිහා බලල හිනාවුණා නං..."

"මට ඔයාගෙ හීන ගැන දැනගන්න ඕන උනේ නෑ. ඒ හීන මගේ හීන වලට හරස් වෙයි කියලා මම හිතුවා."

"-මම හම්බෙන්න කලින් ඔයා මොකද කලේ?
--මුකුත් නෑ
--ඔයාට කවුරුත්ම හිටියෙ නැද්ද?
--නෑ
--ඔයා මං ගැන මුකුත්ම අහන්නෙ නෑ නෙ
--මොකටද"

"ඔයාගෙ ආදරේට මම බය උනා. මම නිශ්ශබ්ද උනා"
"මගෙ ඇස් රිදෙනකල් මම ඔයා දිහා බලාගෙන හිටියා"

"මං ඔයාගෙ දැක්කෙ මං දකින්න කැමති දේ විතරයි"

"මොනවහරි කියන්න. අපි කතා කරමු. ඔයා මට ආදරෙයි කියනකං මම මෙතනින් නැගිටින්නෙ නෑ"



https://www.bbc.com/sinhala/sri_lanka/2015/10/151011_sp_oba_nathuva_film_review



"ඇත්තෙන්ම ස්‌වකීය සිනමා පට අතලොස්‌ස හරහා ප්‍රසන්න වැඩිපුරම වෑයම් කළේ නොයෙක්‌ මනුෂ්‍ය සබඳතා මුල් කර ගන්නටය. වරෙක ඊට යටින් ඇති තතු විවරණයටය. සත්‍ය හා මිත්‍යාව අතර ඇති කෙස්‌ ගහක පරතරය හා යොදුන් ගණනක පරතරය ගැනත්, පසු තැවීමක දිග පළල කොතරම් දැයි යන්න ගැනත්, යථාර්ථය හා ප්‍රාර්ථනා අතර නොපෑහීම් ගැනත්, අතීතයෙන් ගැලවිය නොහැකි වර්තමානය ගැනත් පවසනු පිණිස සිනමානුරූපීව මැදිහත් වූ ප්‍රසන්න යළිත් එබන්දකට සූදානම් වන සැටියක 'ඔබ නැතුව ඔබ එක්‌ක' හිදී පෙන්නුම් කරයි"
" 'ඔබ නැතුව ඔබ එක්‌ක' සරත්සිරිගේ හා සෙල්විගේ ජීවිත පිළිබඳ විවරණයක්‌ සේ ලඝූ කරන තැනකට ගමන් කරන සෙයක්‌ නොපෙනේ. නොඅනුමානව ම එය ගමන් කරන්නේ මනුෂ්‍ය සබඳතා ජාලයේ පොදු සාධක කරාය"
"විශිෂ්ට සිනමාපටයක්‌ පැවතිය යුත්තේ ජීවිතයෙන් පරිබාහිරව නොවේ. කවර අන්දමකින් හෝ එය ජීවිතයේ කොටසක්‌ බවට පත් කර ගත යුතු වෙයි."
"කොහොමත් ඔබ නැතිව ඔබ එක්‌ක හි දේශපාලනික කියෑවීම එහි යටි පෙළ අරුත සේ පැවසීමේ සම්ප්‍රදායික පිළිවෙත නොපිළිගැනීම සත්තකින්ම සප්‍රයෝජනවත් වේ. විටෙක ඔබ නැතුව ඔබ එක්‌ක මනුෂ්‍ය සබඳතා ජීවිතය තුළ දොaලනය වන අන්දම සූක්‍ෂමව අවධාරණය කරනු පිණිස ගත පියවරක්‌ සේ හඳුනාගැනීමට පුළුවන"

https://www.divaina.com/2015/09/18/cineart04.html


"තනිකඩ සරත්සිරි, .. මේ කවුළුව අසලට වී ඔහුගේ අනාගත සිහිනය, නිල්-කොළ මිශ්‍ර පැහැයෙන් දිලෙන තේ වත්ත, දෙස බලා සිටියි" ... "ඇය පිටව ගිය වහාම දිවගොස් ඉහළ මාලයේ කවුළුව වෙතින්, සිය අනාගතය දකින කවුළුව වෙතින්, ඔහු ඇය සොයයි."

"සමථකරණය ගැන පාලනය කෙතරම් වහසි බස් දෙඩුව ද මනස් අභ්‍යන්තරයෙහි සැඟවුණු භ්‍රාන්තියෙන් යම් පුද්ගලයකු ගලවාගෙන ඔහු හෝ ඇය යළි තත්‍ය ලොව තුළ පිහිටුවීම අති දුෂ්කර කටයුත්තකි. තිස්වසරකට ආසන්න කාලයක් අප මුහුණ දුන් සිවිල් යුද්ධයේ කම්පනය තවත් දිගු කලක් සැඟවී සෙල්විලාගේ සරත්සිරිලාගේ අල්මාරි ලාච්චුවලින් හෝ සිහිනවලින් හෝ මතුවනු ඇත. ඒ නැතිනම් ත්‍රීවීලරයක නැගී විත් දොරට තට්ටු කරනු ඇත. 'ඔබ නැතුව ඔබ එක්ක' මේ තත්‍ය ගැටළුව දෙස අපගේ අවධානය යොමු කරවයි."

http://www.boondi.lk/article.php?ArtID=4219

"උකස්කරුවාගේ කුඩා නිවහනේ ඉහල මහලේ ජනේලයක් සංකේතාත්මකව යොදාගන්නේ පවත්නා සමාජයට දොරටුවක් වසයෙනි. සරත්සිරි හා සෙල්වි යන දෙදෙනා ම ලෝකය දකින්නේ මේ ජනේලය තුලින් වුව ද ඔවුන් සංජානනය කරන්නේ එකිනෙකට වෙනස්, ප‍්‍රතිවිරුද්ධ පවා වන යථාර්ථයන් දෙකකි. සරුසාර පලා පැහැය, උදා හිරු කිරන හෝ ගී ගයන කුරුල්ලන් දැකීමට හෝ ඇසීමට අපොහොසත් වන සරත්සිරිට පෙනෙනුයේ යම් දිනක මිලයට ගැනීමට අදහස් කරන ඉඩම් කැබැල්ලක් පමනකි. යුද්ධයෙන් තදබල ක්ෂතියට පත් ව සිටින සෙල්වි පැය ගනන් එම ජනේලයෙන් ම ක්ෂිතිජය දෙස බලාගත්වන ම සිටී."

https://www.wsws.org/sinhala/2014/2014jul/with-22j.html

"ℕ𝕖𝕖𝕝𝕒𝕜𝕒𝕤𝕙𝕒𝕞 𝕡𝕒𝕔𝕙𝕒𝕜𝕒𝕕𝕒𝕝 ℂ𝕙𝕦𝕧𝕒𝕟𝕟𝕒 𝔹𝕙𝕠𝕠𝕞𝕚" by Sameer Thahir

"මට හිතෙන්නේ අපිට සතුටින් ඉන්න ඕනෙ නම් අපි සතුටින් ඉන්න කෙනෙක් ගාව ඉන්න ඕනෙ."

"මම හැමවෙලාවෙම හිතුවෙ, මම සුනීවයි අසීවයි ආරක්ෂා කරනවා කියලා. ඒත් මම වැරදියි. සුනීගේ එකම බලාපොරොත්තුව වෙලා තිබ්බේ, මම අසීව හමුවෙන එක. අසීට ඕනෙ උනේ මට කිසි ප්‍රශ්නයක් ඇති නොවෙන එක. එයාලා හැමෝම මාවයි ආරක්ෂා කලේ.එයාලා හැමෝම මට ආදරය කලා. "

(උපසිරැසි - තරිඳු රසාංග| Baiscopelk.com වෙබ් අඩවියෙන්)

සඳුන්ගිර ගිනිගනියි - සුනේත්‍රා රාජකරුණානායක

"බත් ඉදෙන කල් බලාගෙන හිටියට නිවෙන කල් නං ඉන්න බෑ, කට පිච්චි පිච්චි කාලා අහවර වුණහමයි දුක් හිතෙනෙ ටිකෙන් ටික කෑවා නං කියලා." 

"ඒ බේත් වලට කකුල වතුරට තෙමන්න එපා කියනවා. කාට පුළුවන් ද වතුරට නො තෙමී දොළෙන් එගොඩ වෙන්න?"

"කොහොමටත් බඩ පිරුණු වෙලාවට ගෙදර අත් ඇරලා යන්න හිතෙන්නෙ නැහැ." 

"කොච්චර හොඳ මිනිස්සු උනත් තමන් ගැන හිතලනෙ අනුන් ගැන හිතන්නෙ" 

"වෙලාවකට මට හිතෙනවා මට ම ටොක්කක් ඇනගන්න. ලෙක්චර්ස් කට් කරලා රවුං ගහන එක මෝඩයි තමයි.සමහර වෙලාවට මෝඩ වැඩවල පුදුම සතුටක් තියෙනවනෙ" 

"පිස්සු ...ගෑනියෙක් උණහම කසාද බඳින්න එපා යැ. නාකි උණහම වතුර උගුරක් දෙන්න හරි දරුවෙක් මල්ලෙක් ඉන්න එපා යැ" 

"එහෙ උපන්දින වලට කේක් හැදුවම සරසලා ඊට උඩින් ඉටි පන්දම් ගහනවා. තමන්ගෙ වයසෙ හැටියට....

ඉතින් ඉටිපන්දම් ගහලා කන්නෙ කොහොමද?

නෑ.... ඒවා පත්තු කරලා නිවනවා කන්න කලින්...

නිවන්න නං පත්තු කරන්නෙ මොට ද?

කවුරු දන්නවද?" 

"ඒත් ගමේ ඉඳලා මොනවා කරන්න ද? අනිත් අතට කොළඹ ගිහින්‍ ය කියල මොනවා කරන්න ද?" 

....................................................................................................

දෙලොවක් අතර තනි උනාම ඔබ මොකද කරන්නෙ?

එයාද /මෙයාද

ජීවිතේද / මරණෙද

රස්සාවද / පරස්තාවද

ගමද / නගරෙද

ඉන්න ආසම තැන, ඒත් හෙට ගැන කියන්න බැරි ලෝකෙක ඉඳන්

ආසා නැති උනත් වගතුවක් වෙන ලෝකෙට ඇවිත් 

හූල්ල හූල්ල දෙලෝකෙටම නැති තැනක අතරමං උනොත්

ඒකෙ වරද පටවන්නෙ කාටද?

ඔබටම?

ලෝක දෙකෙන් එකකට නැත්තං දෙකටම?

හිටපු ලෝකෙම ටැග් ගැහි ගැහි ඉන්න නොදී ලෝක දෙකක හිර කරවපු ඉරණමට??

~පුරූ~

කොලරා කාලේ ආලේ - ගාමිණී වියන්ගොඩ𝗟𝗼𝘃𝗲 𝗶𝗻 𝘁𝗵𝗲 𝘁𝗶𝗺𝗲 𝗼𝗳 𝗖𝗵𝗼𝗹𝗲𝗿𝗮 𝗯𝘆 𝗚𝗮𝗯𝗿𝗶𝗲𝗹 𝗚𝗮𝗿𝗰𝗶𝗮 𝗠𝗮𝗿𝗾𝘂𝗲𝘇

"අසීමිත වන්නේ, මරණයට වඩා ජීවිතයයි"

"කොහොම උනත්, ලියුමක් අයිති වෙන්නේ ඒක ලියපු කෙනාටයි. එහෙම නේද?" "ඒක ඇත්ත. ඒකනේ සම්බන්ධයක් කැඩුණහම මුලින්ම ලියුම් ආපහු එවන්නේ"

"හදවතේ සැමරුම් තුළ, ජීවිතයේ අයහපත අමතක කරන සහ යහපත සුවිශාල කොට සලකන නැමියාවක් පවතින බව තේරුම් ගැනීමට තරම් ඔහු එදා මුහුකුරා සිටියේ නැත"

"ආදරේ කරන කෙනෙක් අපෙන් වෙන් වෙනකොට එයාගේ දේවලුත් ඔක්කොම එයා අරගෙන යනවා නම් කොච්චර දෙයක්ද"

"මං ඇවිල්ලා,  සල්ලිකාර දුප්පතෙක්. ඒ දෙක එකක් නෙමෙයි" 

"ඉන් පසු ඔවුන් කෙළේ, දැන් හිමිව ඇති උතුරා යන කාලය කා දමන්නට, ඊට කලින් කළ නොහැකිව මගහැරුණු දැයෙහි නිරත වීමයි. මළ සැමියැගේ ඇඳුම් පැළඳුම්වල බොත්තම් කාස මැහීම, ගණ කොරලය සහ වාටිය සහිත ඔහුගේ කමිස නැවත නැවතත් ඉස්ත්රික කොට පිළිවෙලකට අසුරා තැබීමාදිය ඒ අතර විය. තවද, ඔහුගේ සබන් කෑල්ල නාන කාමරයේ තැබීමද ඔවුහු නතර නොකළෝය. එසේම අකුරු මැසූ කොට්ට උර ඔහු වෙනුවෙන් ඇඳ පසෙක අසුරා තැබුවෝය. ඇතැම් විට, ඔවුන් ජීවතුන් අතර සිටියදීත් කලින් නොදන්වා ඒමට පුරුදුව සිටි පරිදි  දැන් මළවුන් අතරින් නැගිට ආවොත්‍ ය යන සැකයෙන් කෑම මේසයේ පවා ඔහුගේ තැන සූදානම්ව තැබුවෝය. ඒහෙත් තම ඉරණමේ තනි හිමිකාරිය බවට තමන් නැවත පත්ව ඇති බව ඒ හුදකලා දේවමෙහෙයන්හිදී ඔවුන්ට වැටහෙන්නට පටන්ගනී. විවාපත් වීමේදී තමන් තමන්ගේම වූ පවුල් නාමය අතහැර තිබුණා පමණක්ම නොව, මනාලියක තුළ ඇති අනේක වූ මිත්‍යාවන්ගෙන් එකක් වන, විවාහය තුළ විශේෂ ආරක්ෂාවක් සැපයේය යන විශ්වාසයට හුවමාරුවක් වශයෙන් තමන්ගේම වූ අනන්‍යතාවත් තමන් අතහැර ඇති බව ඔවුහු තේරුම් ගනිති."

"එහෙත් බෝට්ටුවේ ආලෝක පහන්, දර්ශන පථයෙන් නොපෙනී යන්නටත් පෙර දෙදෙනාම තම තමන්ගේ දුර්වලකම් ගැන පසුතැවුණෝය."

සිකුරු තරුවෙ නුඹත් ගිහින් මීටරයක් දුරින් ඉඳින්

අත් පටලන් වෙරල දිගේ ඇවිදපු උන් කොහේ ගිහින්
තරඟෙට වගෙ ගෙදර දුවන නර පණුවෝ විසිර ගිහින්
පාළු පාරෙ බැබලෙන්නට ඉරටත් පාළුයිලු ඉතින්
සිකුරු තරුවෙ නුඹත් ගිහින් මීටරයක් දුරින් ඉඳින්

~පුරූ~

ඒ ගඟම ගලන හැටි

කාත් කවුරුවත් නොදන්න ඉසව්වක
ඒ ගඟම ගලන හැටි පුදුමය
අමාරුම තැනුත් පහුකර උල් හදවත්
ගල් බෝල වෙනවා නියතය
හැංගී හැංගි ඔත්තු බලමින් සින්දු කියනා
මාළුවෝ නම් අල්පය
ඉවුර දෙපසේ කරඹ ගස්වල පිපුණු මල් දෙකක්
ගඟට වැටී හමුවීම වේ ආදරය
-කට්ටා / උද්‍යාන් සම්පත් අමේෂන් ජයසේකර/ ඒ ගඟම ගලන හැටි-

...........................................................................

කාත් කවුරුත් දන්න ඉසව්වෙම ඒ ගඟ ගලනවා කාටත් නොපෙනිම
උල් උල් හදවත් තාමත් නොදුටුව මදහස නංවා පාමින් කෝමල
හැංගී හැංගී ඔත්තු බලන්නට ඉස්ගෙඩියක්වත් හමුවුනු නැති තැන
පාර බලන් හිටි වියළි කරඹ මල ආන්න යනවා තනිවම ගහගෙන
 ~පුරූ~

නිරිඳු වෙමි මම

නිරිඳු වෙමි මම
අසම සම වන..
දිනූ පින්බිම පාමුලෙහි සිට
දිනූ හිත් මල සියොළඟම සිට
අනෙක් දිනුමක් කුමකටද තව.....
~පුරූ~

සේයාරුව: චරන උඩුගම

Already reserved?

හිමිද නැතිද නොදැන මාත්
හීන ලෝක මැව්ව උනත්
ඒ හීනේ පෑරෙන වග
හිතන් හිටියේ නෑ

අඟල් දෙකක් උසට මවපු
හීනෙ ටිකක් හීරුණාම
මේ තරම්ම වේදනයිද
දැනන් හිටියේ නෑ

පෝය ගනන් නොපෑයුවම
අමාවකේ තනි උනාම
කවදාවත් මේ වාගේ
දුකක් දැනිලා නෑ

බැබලි බැබලි ඉන්න හඳක්
කෙස් ගහකින් මුවා වෙලා
මේ තරමට දවන බවක්
දැනන් හිටියේ නෑ

~ පුරූ ~

ඔහොම කීවට නුඹත් අද හෙට මටත් නොකියම යන්න යාවිද

පස්සෙ බලමුයි කියා කීවත්
කවදා වෙනකන් මග බලාවිද
එපා කියතැයි හිතා හිටියත්
එපා...මයි මට යයි කියාවිද
සිකුරු ලබලා ළඟම ඉන්නා
සිකුරු තරුවට හාද වේවිද
ඔහොම කීවට නුඹත් අද හෙට
මටත් නොකියම යන්න යාවිද

~පුරූ~

"My philosophy is that worrying means you suffer twice"

~Newt Scamander - Fantastic beasts and where to find them~

වරක් නොව දහස් වර නුඹ රකිමි ඇත්තමයි

"It was only a smile, nothing more. It didn't make everything all right. It didn't male anything alright. Only a smile. A tiny thing. A leaf in the woods, shaking in the wake of a startled bird's flight.
But I'll take it. With open arms. Because when spring comes, it melts the snow one flake at a time,and maybe I just witnessed the first flake melting."

The Kite runner - Khaled Hosseini

........................................................................................................

ලස්සනට හිරු දිලෙන වසන්තේ දවසකදි
ආයෙමත් හමු වෙමුද රතු දෙළුම් ගහ යටදි

පාට අඩු නොකරගෙන කතන්දර කියවන්න
අකුරු දෙන්නම් නුඹට මේ පාර සත්තමයි

කාබුලයෙ සරුංගල් ඔක්කෝම බිම දමන
සුල්තාන්වරු අපයි මේ පාර නුඹ තමයි

අර නපුරු අසෙෆ් එයි නුඹට හිරි හැර කරයි
වරක් නොව දහස් වර නුඹ රකිමි ඇත්තමයි

~පුරෑ~